Клуб Хавана, 8. Април 2011, петок.
Ова е настан кој не смеете да го пропуштите (но, не од чиста култура)!
Во рамките на европската промотивна турнеjа за албумот "Ministry Of Kultur", американскиот бенд Kultur Shock ќе настапи и во Скопје, во клубот Хавана, на 8. април во 21 часот.
Новиот албум е оценет како помрачен и пожесток од претходните и е високо котиран на листите. Во него се повеќе нагласени цврстите хеви влијанија и гитарски рифови во стилот на Black Sabbath, а Kultur Shock со својот „анти-естаблишмент" музички стил ќе ви покаже дека балканската традиционална музика е всушност чиста панк идеологија!
Групата Kultur Shock се формира во Seattle, САД во 1996. година, а бендот го собира Срѓан Јевѓевиќ, некогашната сараевска ѕвезда од познатите Gino Banana. Во самите почетоци, бендот настапуваше како electro-folk мултиетнички квартет, изведувајќи ги традиционалните песни на своите земји во акустична варијанта. Наскоро Јевѓевиќ го промовира и панк-рок звукот, зачинет со балканска традиција. Со помошта на Krist Novoselić (Nirvana) и Jello Biafra (Dead Kennedys), потпишуваат договор со Kool Arrow Records, издавачката куќа на Billy Gould, басистот на Faith No More, и за истата издаваат 3 албуми. Со секој нов албум бендот добиваше некои нови елементи во својот звук, од џипси, преку метал, севдах и ворлд мјузик и со самото тоа тешко се прецизира жанрот на кој припаѓаат. Kerrang magazin ги нарече System Of Down помешан со маријачи.
Кругот на фановите на Kultur Shock е сé поголем, а добиваат поддршка и од светски признатите бендови, освен споменатите System Of Down, имаа заедничка турнеjа и со Gogol Bordello. Нивниот звук сликовито го карактеризираат како циркуски животни и стомачни танчерки во прангите на панкерски мош пит. Едно е сигурно... тие се единствена музичка и сценска појава со феноменални концертни настапи, во што се увери и македонската публика на нивните настапи на Таксират 8 и Таксират 11 (2006/2009г.).
Досега одржале преку 600 концерти ширум светот. По објавувањето на трите албуми со Bill Gould, бендот освојува нови територии во моменталната состојба на музичката продукција со тоа што последните два албума Integration и Ministry of kultur ги издава под свој „лејбл", со легендарниот продуцент Jack Endino (музички продуцент познат од grunge движењето и издавачката куќа Sub Pop, кој работел на првите албуми на бендови како Mudhoney, Soundgarden, Nirvana). Финансирањето, продукцијата и промовирањето на бендот е независно, а со тоа тие ја задржуваат целосната креативна контрола врз својата музика и настапи. Ministry of cultur е албум кој до сега најексплицитно го покажува политичкиот напор на бендот. Како што објаснува Џино Јевѓевиќ: „Kultur Shock не пее за скршени срца и цвеќиња, туку за секојдневната егзистенција и вербата дека може да биде подобро. Или полошо. Панкот ја опишува волјата да се бориме за она во што веруваме, Балканските мелодии се гласот на народот (...), метал авантурите се наш начин за 'rage against the machine'."
Актуелниот состав на бендот е: Gino Yevdjevich (Босна) – вокал, труба, тарабука; Paris Hurley (САД) – виолина, вокали; Guy Davis (Индонезија) – бас; Val Kiossovski (Бугарија) – гитара, вокали; Chris Stromquist (САД) – тапани; Amy Denio (САД) – кларинет, саксафон, вокали.
Од 1. март албумот "Ministry Of Kultur" се најде на официјалните страници на бендот www.kuturshock.com , www.kuturshock.bandcamp.com, како и на iTunes и Amazon.com за download. Промоцијата на албумот е на 25. март во матичниот Сиетл, на 30. март во New York, а потоа следи и 15дневната турнеjа, во чии рамки бендот ќе настапи и во Скопје.
Цената на влезниците е 250 денари (300 на денот на концертот). Претпродажбата стартува на 22. март во: Југотон, Чакра, Браво, Ultra Design Shop, Круг Аеродром, Custom Pub и Кафе Љубов.
Пресс коментари:
"Kultur Shock is what punk rock should sound like" Jello Biafra
"It's System of a Down finally consumed by their folkisms; it's a Romany campfire gathering where gypsies turn amps up to 11. It's six languages spilling over rock, hip-hop, samba, balladry and punk. But most of all, it will rock your world" Kerrang! (4star review)
"They're a hoot....Kultur Shock want their disparate sounds to pierce borders, create shock—which is the band's own method of asserting control." Village Voice
"Kultur Shock are the very model of a multi-cultural punk rock band...some of it wouldn't sound out of place at your local kebab shop, but it's the sort of thing that would upset our WOMAD friends because it isn't "pure" or "authentic" enough.." Metal Hammer
