Monday, 13 November 2017 10:26

Mirko - Kultur NajAktiv

Written by

У пизду матер, пишувам веќе само да се опростам од блиските... Мирко пријателе, почивај во мир, фала што ме запозна, што ми помогна, што ми покажа што е Kultur Aktiv.

Космо ќе биде горд на тебе, како сите нас што ти бевме другари!

Не, не, не... ја, ја, ја... го слушам твојот германски акцент... Мирко, партизану наш... овој ПИН ти го посветуваме тебе, нашиот луд мотиватор!

http://www.kulturaktiv.org/kontakt-mitarbeiter/mirko-sennewald-2/

Поминаа четири години од последното дискографско издание на бендот, а песните од последниот албум „Апсурдистан“ го обиколија целиот регион и речиси пет години се неизоставен дел од нашето секојдневие.

Таму каде што застана „Апсурдистан“, продолжува новиот албум.

„Песнички за деца и возрасни“ е насловот на албумот кој ни носи девет песни.
Веќе ни стана јасно со првите две песни, „Химна генерације“ и „Треба ми зрака“, дека се подготвува нешто интересно. Обете песни ги освоија слушателите, додека на „Youtube“ каналот имаат остварено милиони прегледувања.

Со новите седум песни кои може да ги чуете во продолжение на текстот се заоркужува приказната која Дубиоза сака да ни ја раскаже.
„Песнички за деца и возрасни“ е задолжителна лектира која секој мора да ја „прочита“.

Албумот го снимивме со леснотија, за само четири дена, бидејќи сите песни ги украдовме од „YouТube“. Сега едвај ги чекаме реакциите на публиката, а со уште поголем страв и нетрпеливост чекаме да видиме дали ќе не разоткријат од здружението за заштита на авторски права. Во албумот ни свират интересни гости со кои, се надеваме, бевме добри домаќини - коментираше бендот во свој стил.

Дубиоза на овој албум го угости босанскиот бенд „Хелем Нејсе“ на песната „Пионирска“, во песната „Аутопилот“ им се придружија Дино Шаран и Deaf Band Dlan, а веќе промовираниот сингл „Треба ми зрака“ ја донесе песната која Дино Дворник ја започнал, а Дубиоза ја завршија 15 години подоцна.

Обвивката на албумот ја илустрираше легендарниот Добросав Боб Живковиќ чии цртежи прикажуваат симпатични животни кои се претвораат во траги-комичните ликови на јунаците од песните на Дубиоза Колектив.
Освен во стандарден формат, дискот ќе биде објавен и како сликовница за деца и возрасни.

Новиот албум излегува како издание на „Менарт“, а исто така е достапен и за бесплатно преземање на dubioza.org

Еве ја и листата со YouTube линкови за сите песни од албумот:
PIONIRSKA feat. HELEM NEJSE
HIMNA GENERACIJE
PAKŠU
TREBA MI ZRAKA feat. DINO DVORNIK
RIJALITI
AUTOPILOT feat. DINO ŠARAN
BANKOMAT
INTERNETSKA
DOMAĆICA 2.0

Во рамки на ТАКСИРАТ ФЕСТИВАЛ, на 4-ти декември во кино Фросина, PLUTO’S DOUBTS во соработка со PASSWORD продукција, ве носат на концертен осврт кон сѐ што се нашло во орбитата на нивниот деби-албум. Деветте нумери содржани на изданието СИЗИФ, премиерно ќе бидат отсвирени јавно, а искуството за посетителите ќе биде збогатено со код за бесплатен download.

PLUTO’S DOUBTS е музичка група од Скопје, која во период од две години помина низ неколку фази од аспект на звук, членство и чувство. Појдовната идеја е да овозможи слободен проток на креативна енергија, притоа мешајќи луѓе со различна вокација, ниет и табиет. Првите никулци од она што е денес албум, добија своја демо-форма во студиото на Нино Спиркоски. Материјалите беа пуштени есента 2015-та година, а во тој период уследија и првите настапи во живо. Прв значаен фидбек испровоцира синглот СУПЕР ЈУПИТЕР, чиј видео-запис е идеја/реализација на Александар Петков и беше дел од емисијата Videography, MTV Adria.

Клучен настан за реализација на СИЗИФ е победата на ЛУЗЕР ФЕСТ во 2015-та, во организација на PASSWORD продукција. Во меѓувреме, како дел од наградата дојде и настапот на EXIT 2016:FUTURE STAGЕ, како и други помали настани од типот на ШТО СЕ ТРЕСЕ ВО МКЦ?, ЗЕМЈОТРЕ5 и вториот роденден на REBORN во Vinyl. Снимањето започна во Љубанци, во соработка со Ивица Јанкуловски (студо ALSHAR), а продолжи во ПОДРУМОТ со Ангел Ќосев и Л. Ѓоргиевски како главен продуцент. Нештата ја добија својата конечна форма во јуни годинава.

Албумот изобилува со идејна шареноликост. Ритмички, мелодиски па дури и во аранжманот на песните и нивната структура. Лирски, содржи траги на импресионизам и некаква интимна димензија, но истовремено е прилично отворен и живо кореспондира со социо-културното опкружување во кое музиката е создавана. Имајќи го сето ова предвид, СИЗИФ би требало да функционира како приказ на состојбата во духот на одредено време и простор.

ВИДЕО: Pluto's Doubts - Samoglad

Првиот сингл од албумот е песната САМОГЛАД. Спотот е во режија на Борјан Стојков, и нему му го должи својот визуелен идентитет. Спотот одеше промотивно како дел од настапот во Vinyl, а неговата онлајн промоција се случи на 26-ти октомври во рамки на промотивните активности за настанот што претстои. Така што, доколку и оваа година не сте поканети на роденден кај JAY-Z, а сѐ уште не сте букирале карти за King Krule во Берлин... повелете на уште еден круг околу кавалот од акал и овошниот бокал!

Влезниците за промотивниот концерт на PLUTO'S DOUBTS ќе бидат пуштени во продажба од утре (петок, 10-ти ноември) на пладне, преку продажната мрежа на МкТикетс со цена од 200 денари во ПРЕТПРОДАЖБА и 300 денари на денот на концертот.

4-ти ДЕКЕМВРИ / кино ФРОСИНА / PLUTO’S DOUBTS

КИБОРГ, култното име на македонската cyberpunk музичка сцена кое во музичката архива се запишува и како првиот industrial бенд во Македонија, по 20 години се враќа на сцената и тоа со концерт кој ќе се одржи на 2-ри декември во Младинскиот Културен Центар во Скопје! Со овој потврден настап во живо, КИБОРГ ја збогатува програмата на ПИН музичката конференција и шоукејс фестивал, организирана во рамки на ТАКСИРАТ!

КИБОРГ започнува кон крајот на минатиот век - летото '95 во Скопје.

Многу луѓе минуваат низ бендот, но поради раната фаза на трансплантација, се појавија проблеми со инфекции, отфрлање на делови и силни воспаленија.

По многу жртви, конечната постава беше дефинирана.

Направија неколку свирки, фестивали и се разбира, последнато шоу во '96 со „Young Gods“, кое им обезбеди место во музичката историја.

Во 1996 година издаваат лимитирана касета со 6 песни.

По 20 години, истите членови повторно се собраат за да продолжат со својот изворен CyberPunk, да проповедаат малку и се забавуваат ...

КИБОРГ се: Дарко Јаневски - вокал, Перо Стефановски – гитара, Горан Атанасов – тапани, Влад Каевски – клавијатури.

ВИДЕО: Cyborg - Kerosine (1991 Macedonia Industrial Rock / Electro) 

Концертот на КИБОРГ во Скопје е во рамки на завршната вечер на ПИН – единствената меѓународна музичка конференција и шоукејс фестивал во Македонија која ќе се одржува од 30-ти ноември до 2-ри декември во МКЦ! Само во концертната програма, македонската публика ќе има прилика да ужива во повеќе од 20 настапи за време на трите дена на ПИН. Покрај КИБОРГ, веќе се потврдени настапите и на LIARS (С.А.Д. / Австралија), BABA ZULA (Турција), МАРИО БАТКОВИЌ (Швајцарија), IT’S EVERYONE ELSE (Словенија), VIZELJ (Србија), EXCESSIVE VISAGE (Германија), а наскоро ќе бидат објавени уште многу музички артисти и гости на овој настан.

Еден од најреномираните музички автори во регионот, ДАРКО РУНДЕК се враќа на ТАКСИРАТ за прослава на 20-годишнината од неговиот соло првенец „Апокалипсо“, албумот кој ја означи најголемата пресвртница во неговата кариера. Големиот јубилеј, на 7-ми декември во Младински Културен Центар во Скопје, ДАРКО РУНДЕК ќе го прослави со македонската публика, претставувајќи го специјалниот музичко-сценски перформанс „APOCALYPSO NOW“ од истоимената турнеја со лимитиран број ексклузивни настапи во регионот! На оваа турнеја Рундек го придружуваат седум одбрани музичари, со кои албумот „Апокалипсо“ го разоткрива на сцената во уникатен аудио-визуелен настан, претставувајќи ја сета интимност, убавина и раскош на неговата музика и поетика, а која стана дел од животот на повеќе генерации во регионот, од тинејџерите до луѓето кои зад себе носат и повеќе од пола век искуство.

И не случајно на ТАКСИРАТ! Имено, првиот солистички настап на Рундек во Македонија беше токму со „Апокалипсо“ и токму во МКЦ на првиот ТАКСИРАТ. Се чини повеќе од соодветно е, одбележувањето на две децении од „Апокалипсо“ со ексклузивниот концерт на Дарко Рундек овој декември да биде и музичката прослава за крај на ова издание и исчекор во 20-годишнината на ТАКСИРАТ ФЕСТИВАЛ!

Славниот загрепски музичар Дарко Рундек својата кариера ја започна како член на музичкиот состав кој го предводеше југословенскиот нов бран ХАУСТОР, кој сѐ уште важи за еден од највлијателните бендови во регионот. По распадот на групата, Рундек го објави својот дебитантски соло албум „Апокалипсо“ во 1997 година, кој иронично и поетично говори за постсоцијалистичката ера. Ова издание беше оценето како хрватскиот музички настан на годината, освојувајќи дури пет „Порин“ награди. Следните соло изданија на Рундек дополнително го зацврстија неговиот статус на еден од најзначајните артисти на Балканот, вклучувајќи го и неодамнешното од 2015 година, кога со неговото Cargo Trio објави уште едно издание крунисано со „Порин“ наградите, албумот „Мостови“ прогласен според критиката за најдоброто хрватско издание на декадата.

Оваа година, 20-годишнината од „Апокалипсо“ се прославува со специјалното двојно издание кое вклучува и досега необјавени снимки на „Хаустор“, но посебно и на сцената со успешната турнеја која го претставува, продукциски извонредно заокружениот аудио-визуелнен проект „Apocalypso Now“. Придружуван од седум музичари, Рундек го оплеменува својот перформанс на оваа посебна турнеја и со уникатни видео проекции и светлосни ефекти, посебна костимографија и режија, наменети за големите концертни сцени.

Во изборот на песните, тежиштето е ставено на славеничкиот албум ‘Апокалипсо’ и оние песни од изминатите 20 години, кои денес нам најмногу ни значат“, вели Рундек истакнувајќи дека со неговиот бенд на ова шоу се посветуваат на дел од најважните песни во кариерата, од Хаустор до Карго Трио.

Влезниците за овој концерт ќе бидат пуштени во продажба во понеделник (06.11.2017), преку продажната мрежа на МкТикетс и во органичен број! Најповолната цена од 500 денари е ограничена само за првите 300 билети. По нивното распродавање, вториот подеднаков контингент влезници ќе бидат достапни по цена од 600 денари и 700 денари за последниот контингент.

Покрај концертот на ДАРКО РУНДЕК, како последен настан од програмата на ТАКСИРАТ овој декември, во рамки на Фестивалот нѐ очекуваат повеќе музички настани кои ќе започнат да се одржуваат од 30-ти ноември со отворањето на ПИН музичката конференција и шоукејс фестивал во Младинскиот Културен Центар во Скопје, а за кои наскоро ќе бидат објавени повеќе информации.

© Фотографија на Емир Сркаловиќ

За претстојното доделување на најпрестижните Европски Фестивалски Награди, музичките фестивали во организација на „Пасворд Продакшн“, ТАКСИРАТ и Д ФЕСТИВАЛ се закитија со три номинации и влегуваат во трката за најзначајната фестивалска титула во Европа! Ова е деветта номинација меѓу најдобрите европски фестивали за скопскиот ТАКСИРАТ и тоа во две категории, за „Најдобар мал фестивал“ (BEST SMALL FESTIVAL – до 10.000 посетители дневно) и за „Најдобар фестивал во затворен простор“ (BEST INDOOR FESTIVAL). За Д ФЕСТИВАЛ пак, единствениот летен open-air фестивал во Македонија, ова е трета номинација по ред, а по своето рекордно издание годинава влегува во нова, повисока категорија, за „Најдобар фестивал до 40.000 посетители“ (BEST MEDIUM-SIZED FESTIVAL).

Гласањето за Европските Фестивалски Награди веќе започна и ќе трае до 30-ти ноември, а се спроведува НА ОВОЈ ЛИНК, со избор на вашите фаворити за секоја од категориите. Сите кои ќе гласаат во овој период, воедно учествуваат во наградната игра со која можат да освојат влезници за најдобрите фестивали во Европа.

Прогласувањето на победниците ќе се одржи на 17-ти јануари 2018, на свечената церемонија за отворањето на фестивалот и музичката конференција Eurosonic Noorderslag во Гронинген во Холандија. За победниците во секоја од категориите, се одлучува според гласовите од публиката, но и стручното жири кое го сочинуваат истакнати личности од светската музичка индустрија.

Токму според овие гласови, во трката за најпрестижните фестивалски титули, Таксират Фестивал минатата година се најде дури и во најтесниот избор на 10 најдобри фестивали во Европа кои се одржуваат во затворен простор. Покрај Европските Фестивалски Награди, заедно со Д ФЕСТИВАЛ, двата наши фестивали годинава беа номинирани и за Британските Фестивалски Награди (UK Festival Awards), во категоријата за најдобри фестивали кои се одржуваат надвор од границите на Обединетото Кралство.

ГЛАСАЈТЕ ЗА ТАКСИРАТ И Д ФЕСТИВАЛ!

Билетите за светскиот танцов феномен LORD OF THE DANCE се пуштени во продажба!

Најпосетуваниот танцов-музичко-сценски спектакл на светот, чиј автор и продуцент е славниот Мајкл Флетли, ќе се одржи на 11-ти април 2018-та, во Вип Арената „Борис Трајковски“ во Скопје, а посетителите на овој настан можат да ги набават своите влезници веќе од денес.

 

Цени на билети:
Б5, Б6, Б10, Б11 – 800 МКД;

Партер 2, Б4, Б12 – 1.000 МКД;
Партер 1, Б3, Б7, Б8, Б9 – 1.200 МКД;
Б13 – 1.500 МКД.

*За овој настан сите билети се за седење.


Продажбата на влезниците се спроведува преку продажната мрежа на МкТикетс, во сите продажни места низ Македонија и онлајн на овој линк.


По точно 10 години и 5-те целосно распродадени претходни настапи, LORD OF THE DANCE повторно гостува пред македонската публика, овој пат со новото денс-совршенство „Опасни Игри“. Приказната на ова шоу ја претставува митската приказна базирана на ирскиот фолклор, која со себе носи сѐ ново, од музика до сценографија, костимографија и кореографија. Тука се и холограмските проекции, најсовремената сценска технологија, специјалните светлосни ефекти, разиграните роботи и најдобрите светски акробати и танчери. Сето тоа е доволна причина да не го пропуштите овој музичко-танчерски настан или како што порачува екипата на LORD OF THE DANCE: „Препуштете се во прегратката на извонредниот танц кој ќе ве одведе на патување исполнето со енергија и страст…


Повеќе за настанот: тука

 

Најпосетуваниот танцов-музичко-сценски спектакл на светот, повторно пристигнува пред македонската публика: LORD OF THE DANCE на славниот Мајкл Флетли гостува во Скопје на 11-ти април 2018. По точно 10 години и по 5 целосно распродадени настапи кај нас, светското денс-совршенство овој пат, во Вип арената „Борис Трајсковски“, ќе го претстави новото шоу „Опасни игри“ основано на ирскиот фолклор кој ја претставува неверојатната авантура во борбата помеѓу доброто и злото.

Најдоброто танчерско шоу на светот досега собори повеќе светски рекорди – Флетли во Гинисовата книга на рекорди е запишан како човекот со најбрзите нозе на светот, со незамисливи 35 удари во секунда; шоуто се изведуваше дури 21 пат по ред во „Вембли“ арената во Лондон; за само 10 дена беа продадени 250.000 влезници на турнејата во Австралија. Мајкл Флетли (Michael Flatley), танчерот, флејтист, автор, директор и продуцент кој стои зад овој меѓународно наградуван танцов феномен, доакажа преку својата визија дека срцето и разумот, обединети преку музиката и танцот, ги бришат сите традиционални граници. „Lord of the dance'“ постојано ги соборува сите рекорди во продажбата на влезници ширум светот, оставајќи ја публиката без здив, желна за уште повеќе магија.

Токму поради тоа, како и фактот дека во Македонија веќе со години имаат огромен број обожаватели, оваа најголема ирска танчерска сензација „LORD OF THE DANCE“ гостува повторно во Скопје, на 11-ти април 2018 година со настап во Вип Арена „Борис Трајковски“. Овој пат, приказната се темели на ликот кој патува низ времето со желба да му помогне на господарот на танцот во одбраната против мрачните сили. Оваа митска авантура со себе носи сѐ ново, од музика до сценографија, костимографија и кореографија. Тука се и холограмските проекции, најсовремената сценска технологија, специјалните светлосни ефекти, разиграните роботи и најдобрите светски акробати и танчери. Сето тоа е доволна причина да не го пропуштите овој музичко-танчерски настан или како што порачува екипата на LORD OF THE DANCE: „Препуштете се во прегратката на извонредниот танц кој ќе ве одведе на патување исполнето со енергија и страст…“


Lord Of The Dance од 1996 година е најпродаваната танчерска приредба на светот која досега има гостувано пред распродадените гледалишта во повеќе од 60 земји, а премиерата ја одржаа во 1996-та, две години откако славниот ирски кореограф Флетли го претстави неговиот претходен спектакл Riverdance во глобалниот ТВ пренос на Eurosong `94 во Даблин и прерасна во светска сензација. Веќе во 1997 година, Lord Of The Dance дебитираше и во С.А.Д. со 13 распродадени претстави во Radio City Music Hall и учествуваше во програмата на доделувањето на „Оскар“ наградите. На изведбите, во составот на овој танцов ансамбл настапуваат дури 200 танчери, покрај огромниот број професионалци кои на шоуто се грижат за сценографијата, светлото, звукот, како и за вкупно 1200 костуми кои ги користат танчерите.

Билетите за настапот на LORD OF THE DANCE ќе бидат пуштени во продажба преку продажната мрежа на МкТикетс на 1-ви ноември, во среда кога воедно ќе бидат објавени и цените на билетите.

Дубиоза Колектив не престанува со изненадувања! Овој пат тие ви го претставуваат меѓународното партнерство со „Вибер“.

„Вибер“ не е апликација која се користи само за „чет“, таа е многу повеќе од тоа. Со над 900 милиони корисници, таа е водечка платформа за комуникација, „чет“, забава, но и за воспоставување на врски помеѓу различни брендови, институции или помеѓу музичарите и нивните фанови.

Дубиоза, бендот од каталогот на „Пасворд Продакшн“ е првиот музички бенд од регионот кој остварува соработка од овој тип со „Вибер“, и тие одлучија да ја искористат можноста да им понудат на своите фанови едно ново искуство. Соработката помеѓу „Вибер“ и Дубиоза ни носи 16 анимирани стикери кои ќе бидат достапни не само во регионот, туку и во Франција, Италија, Грција, Унгарија и остатокот од Европа.

Стикерите, кои станаа популарен начин на комунукација на „Вибер“, се дизајнирани од Ведран Мујагиќ, еден од членовите на Дубиоза Колектив и се целосно персонализирани, анимирани и најважно од сè - БЕСПЛАТНИ!

„Како деца, собиравме и се разменувавме со џамлии, додека денес, децата се разменуваат само со стикери. Затоа му ја доделивме задачата на Ведран кој е одговорен за дизајнот на Дубиоза, да нацрта „двосмислени“ стикери, за и ние да имаме наш дигитален тркачки коњ.“ - изјави еден од членовите на Дубиоза.

Дополнително, Дубиоза ќе го претстави својот „Вибер бот“ за прв пат во регионот, преку кој фановите на Дубиоза ќе може да учествуваат во наградните игри и да освојат билети за концерт во нивната земја.

Интересно е да се додаде дека фановите на Дубиоза Колектив ќе имаат можност да разговараат со нивниот омилен бенд преку јавниот „чет“.

Преку ова светско партнерство на Дубиоза Колектив и „Вибер“, уште еднаш се потврдува оригиналноста на бендот во начинот на комуникација со нивните пријатели и фанови кои веруваме дека ќе бидат многу радосни што ќе ги користат Дубиоза стикерите за да комуницираат помеѓу себе.

Линк за Дубиоза стикери: http://spl.viber.com/stickers/dubioza/web/
Линк за Дубиоза „чет бот“: http://spl.viber.com/redirect/dubioza/web/

Од среда, 11-ти октомври во 10:00 часот почнува онлајн продажбата на билетите за 3-Д концертот на КРАФТВЕРК во Скопје! Посетителите на овој настан ќе можат да ги купат влезниците онлајн на www.mktickets.mk, додека пак во понеделник, на 16-ти октомври ќе започне и нивната физичка продажба во сите продажни места на МкТикетс низ Македонија.

Концертот на КРАФТВЕРК во Скопје е ексклузивен настан во организација на Password Production и Таксират, кој очекувано предизвика огромен интерес кај македонската публика, па важна напомена за сите купувачи на билетите е дека станува збор за настан со строго ограничен капацитет на максимум 6.000 посетители, но и ограничување во продажбата на најмногу 4 билети по купувач.

Цени на билетите:
ПАРТЕР (стоење) – 1.000 денари
ФАН ПИТ (стоење) – 1.200 денари
БЛОК 5, 6, 10 и 11 – 1.300 денари
БЛОК 3, 4 и 12 – 1.500 денари
БЛОК 7, 8 и 9 – 1.600 денари
ВИП (блок 13) – 2.000 денари


Германските пионери на електронската музика, култните КРАФТВЕРК ќе настапат во Скопје на 27-ми февруари 2018 година во Вип Арена „Борис Трајковски“, со извонредното 3-Д шоу од нивната актуелна и исклучително успешна светска турнеја. Влезот за посетителите ќе биде отворен во 19:30 часот, а почетокот на концертот е закажан во 20:30 часот.

КРАФТВЕРК е една од највлијателните и најзначајните електронски групи во светот чие музичко наследство е легендарно и вонвременско! Како предводник на експерименталната сцена, со својата визија за иднината КРАФТВЕРК ја создаде музичката подлога за дигиталната ера на 21-виот век. Музиката на КРАФТВЕРК изврши огромно влијание врз цел спектар на музички жанрови: од електро до хип-хоп, од техно до синтпоп и не постои речиси ниту еден германски бенд кој толку често се наведува како извор на инспирација и авторитет за илјадници музичари. Поради пресудното влијание и применливоста на електрониката во музиката тие важат за бендот без кој модерната музика денес не би звучела исто.